قصيدة : سُوء المصير

أنا الحبيب ،
اللي تشنّج بـ اضطراباتك
وتخمينك : صعيب ،
أنا القريب ،
اللي تمعّن في تفاصيلك
وعاد بْها : غريب ،
انا المتعايش اللي عاجز يْعيشك
[وكلْ مره : يخيب]
أبحرت بك للإنقسام ،
ما بيني وبيني خصام ،
عقلي تحارب مع شعوري ،
لين امتلى راسي : حطام ،

أنا الـمَسير ،
اللي تحيّر في مصيره بالأخير ،
حار بْـ أمل [صبرٌ جميلْ]
وبْـ حسْن تسريحك لأنّك :
[آيه لْـ سُوء المصير]

أنا الكئيب:
والسُهد في عين المنام ،
أنا القريب اللي بعيد
وانا البعيد اللي قريب ،

أنا الخفوق اللي صحى
على [ أحبك يا ملاك ]
أنا وجودٍ . . . واستحى
ما يرحل ، وكمّل معاك
أنا [الضياء] اللي محى
عتمة سنينك عن فضاك

أنا الـمُناجي فـ الضُحى
[من دعوتي أرجو رِضاك]
[لاتَعجَبي : لَـمّاْ انتحى]
[قَلبي، بَعيدًا عَن مَداك]
فـ الحبُّ هاقَدْ . . أصبَحَ :
[كُرْهًا، بِما باءتْ يَداك]

#خليل_الجابري