"صباحي انت"

صباح(ن) يرسم البسمه
على شفة طفل في داخلي
يصرخ
ينادي فيك احسانك
من احساسك
وجود الود من ودك
صباح ومضته انتي
ومنك انفاسه العذبه .....
صباح لو حكى للكون
طفلي عن عناوينه
غدت كل الدروب
اللي تؤدي للحنان
انتي
واحساسك وانفاسك .....
على فكره
ترى هالطفل ما يقوى
بعد ما جاد بك حظه
يدور لك
بنظرات البشر ويتوه....
تعب يسأل
تعب ينشد
دروب الوقت عنك انتي
نعم أنتي ....
وفي غفلة رداءة الحظ
جاد الوقت
وصرتي انتي عنوانه ....
عسى قلبك يحن
ويلتفت يمه
تكوني أول آماله
ونهاية رحلة اﻵمه ....
على جالك
يعيش أروع سنينه
وأجمل أيامه ......
معك يروي حكاية حب
من حبك
دفاترها وأقلامه .....
وعنوان الرواية
من حروف اسمك ،
ورسمك
هو ملامح باقي الأوراق .....
عسى بس يلتفت قلبك
وعسى طفلي
بعد ما يلتفت له قلبك الحاني
يضيع كل درب
ما تؤدي لك عناوينه
وعسى كل الدروب
اللي بقلبك
تاخذك يمه.....
وعسى
ما تحجبي عن طفلي العاشق
عناوينك واحسانك .......

تعالي يا عناوين الصباح
وروعة أوقاته
تعالي يا رجا طفل
في اعماقي ينادي لك
وبك روعة حياته
تبتديء يا نون