الله يعوض علينا

كل شي فيني بيسألني
فين عنا راحت
فين عنا غابت
فين غابت وتركت
فين راحت وهجرت
فينها الغالية عنا
جاتنا وحببتنا فيها
وراحت والله يعوض علينا

وكل عضو بيبحث عنها
في دمي وداخل شراييني
وما عندي جواب لهم
أنا أكثر منهم أدورها فيني
رسمتها داخل جفن عيني
وزرعتها داخل فكري
وحفرتها على جدران قلبي
والآن عيني وفكري وقلبي
كلهم بيهرولوا ورايا
يدوروا معايا عليها
وكل واحد بيسأل
العين تقولي
اختفت عني وغابت
والفكر يقولي
راحت فين وتركتني
والقلب بينوح ويسأل
هجرتي ونسيتني
وأنا محتار ايش أقول
ايش غيرها ايش نساها
ايش حصل بيني وبينها
خلاني اهون عليها
جواب بسيط اردده
ما في في ايدينا شي
نقوله إلا كلمتين وبس
الله جاب و الله غيب
والله يعوض علينا

ملك الرومانسية جمعه الخياط