شوق

الليل هَوّد والعَنا جيشِه إيطــــوف
... والعين في شوفة غلاها كُلوفــــه
ورسل العَنا بالقلب تِتوارَد إصفـــوف
... واتقاطرن من كلِ فجن صفوفـــه
وإتجمِّعنْ بالراس طوفن ورى طوف
... ونجر الغرام إيدقِّ فيني هِتوفـــه
عَليكِ يللي بالهوى لِفْتَنــــي لــــــوف
... بدعت قافي واشتياقــي حروفـــــــه
تَعالِ وإطفي جَمرِة الشوق بالجـــــوف
... والعين عقبك عن كَراها عَيوفــــه
هات الغلا من نونِ عينك وَنا شــــوف
... وإخذْ الهوى من رمش عيني رُشوفه
وِهاك الغرام اللي تدلي له إقطــــــوف
... حلفت ما غيرك يلاعــــب قطوفــــــه
شهرين عذره في مشاغيل وإظـــــروف
والشوق فيني كيف يقبل ظروفـــــــــه
ما يَدرِي إن الشوق بِهْ جمر واحتـــوف
... والقلب في ليله همومـــه تطوفــــه
والشوق حاف الجَفْنْ في غيبِتِكْ حــوف
... أوّاه يا جفن تِزايـد حِسوفـــــــه
طفل الهوى عيّل وِ شوقي لَهْ إظعــوف
... ولا من فرك لِهْ عين واجب تِروفه
آبات ليلي أمسَح الدمعِ باكفـــــــوف
... والكل يرعى بالمحبه هَنوفــــــه
ما غيرِ عيني دَمْعَها أتْعَب الشــــوف
... تَرقب لِدربن بالفِراق إمحَفوفـــه
مدري خذاك الغدر في درب معطوف
والا المشاعر بوصلتهـــا إمحَروفـــــه