مجاراة لقصيدة الأمير خالد الفيصل في الملك سلمان

مجاراة لقصيدة الامير خالد الفيصل في الملك سلمان :

أببتدي من وين وأبنتهي وين
خالد ولد فيصل جذبني كلامه
ياسيدي خالد كتب بين قوسين
قلدته أوسام الفخر والكرامه
يستاهل أوسامك طليق الحجاجين
له هامة تفخر بها كل هامه
تستاهل أوسام الفخر من كريمين
إنت الفخر والمجد حايز سنامه
من راس فيصل والفخر للعزيزين
راس الفخر شامخ عزيز مقامه
انتم هل العوجا حزام المحبين
عدوكم مايهتني في منامه
انتم ليا من جات وحده وثنتين
ماتعرفون إلا الحزم والصرامه
دون العروبه تقلبون الموازين
وقفاتكم ماتعرف الانهزامه
و أبو فهد خادم بيوت الحرمين
نمشي على نهجه ونتبع نظامه
حنا جنوده حزة العسر واللين
ولا يدس الراس غير النعامه
الدار مثل الراس والخشم والعين
وأبو فهد مضفي عليها اوسامه .