صيدة كف سلمان ..

أنا يام من نجران قلته وأهل نجران*

على حدهم من خلف مدفع ودبابه

وأنا الشعب في عالي عسير ومن ولد قحطان

ولاهزنا قصف*المعادي *وشبابه

وأنا البحر ياجازان وأنا جبل دخان

وأنا كف من سلمان وأصبع وسبابه

وأنا العاصمه وأرض بها مهبط الرحمن

وانا الرمح من كف الشمالي ومخلابه

وأنا الشرق ياطهران واناخليج اعمان

وخليج العرب ياويل من ينوي إخرابه

وأنا الدرع والطاسه وجند الملك سلمان*

وفدا للوطن ولخادم البيت واعتابه

مع العاصفة ياسيدي وبأي أمر(ن) كان

على الضد واللي للوطن يضرس بنابه

وعلى الحزم والتغيير بايع لك السكان

ومع محمدين الشعب سيف(ن) له نصابه

ولي بارو الخلان واصحو مع إيران

فلازالو الشجعان للبيت وحجابه

وهل الترك وأهل الفكر والذل والخسران*

غشاهم سواد الوجه وألبسهم ثيابه

مع الفجر سرحها وصرح بها الديوان

وعليها صقور الجو ترجد وصبابه*

وعلى حس صوت الطايره وألسن النيران

صحى حلف صعده منهدم فيه محرابه*

ولاصوت غير الحق يعلو به القرآن*

ولادين غير الدين بالله وكتابه

هوى عرش كسرا وأخفتت به ملوك الجآن*

ولاعاد للطاغوت حلف(ن) مع أذنابه

وعلى أرض الأمل يصحو العرب والبلد له شان

بمنضومة(ن) ماجابها إلا فاتل أشنابه*

على المملكه تأمين من غطرسة طهران

وعلى أهل الخليج من المجوسي وأحزابه*

وثرى المملكه في عين منضومة الإنسان

وفي العين الأخرى موقع العرب وإعرابه

وعلى إيديك يا سلمان يكبر شجر وأوطان*

ويعم السلآم أمة محمد وأصحابه*

وتدور الدواير صوب من ينفث الدخان

وجميع الأمم تشهد تدآعيه وأكذابه*

على الفرس هي والروم عبادة الصلبان

فتوحات كنج الشرق تحفظ له أبوابه

ورحا الحرب للمقدس يحظر لها الشيهان

على الخارطه تدرس وفي هامش حسابه

وعلى عاتقه هم الأمم وأطهر البلدان

ومن داخله هم العرب زاح وكلابه

هنا الشرق ياطهران لا لا هنا سلمان*

أبو العزم والظفرات يارحم من جابه

تربع على عرش الوطن وإلبس النيشان*

ونوط الشجاعه لابسه وأنتعزوا به

ورعى ألله ملكنا للوطن من وذا الشيطان

وحمى ألله بلدنا بأمر منه وبأسبابه

وأناصوت من يام العريبه وأنا حمدان*

وأخو مزنه إللي يعتزي بأسمها اللآبه*

على الحد صامد من صمودي قصر سعدان*

وعلى الحد درع(ن) للوطن ويل حرابه*

وعلى ريحة البارود فينا هوس وجنان*

وعلى فوهة الصاروخ للموت شرابه

أنا الشعب في كلي وبكفوفي العرفان

لأهل رآية(ن) للحق والموت شرآبه*

وأنا انت ياسلمان لأية شفه ولسان

تبي تستهين برمزنا وأتسموا به

هل السيف والنخله وبسم الله الديان

يرفرف علمها ماتنكس به أحرابه

وسما الشرق ياطهران سقنا عليه أثمان*

تحت رآية إللي خدمة البيت تزهى به

وعن سهيل بادي في (يمنا) وغر أمزان*

وعن السهل بأزهار الأمل ينبت أترابه

وتلاشى عن الأنضار من يعبد التيجان*

ولا له مع الضفران حض(ن) ولا نآبه

ويعيش المليك وهامته حربة(ن) وسنان*

ويموت العدو حسره على نعقة غرابه